Çfarë është CIE (carta di identità elettronica) dhe si merret

CIE (Carta d’Identità Elettronica) është versioni digjital i kartës së identitetit në letër që shumë njerëz e njohin. Është një dokument zyrtar i lëshuar nga Comune di residenza, që shërben për të identifikuar një person. CIE është më e sigurt se karta e vjetër, sepse ka një mikroçip që ruan të dhëna personale si emri, data e lindjes dhe fotografia.

Si të marrësh CIE

Për të kërkuar një CIE, duhet të shkosh në Comune di residenza me dokumentet e nevojshme (si dokumenti i vjetër i identitetit dhe codice fiscale) dhe një foto të fundit (fototessera).

Hapat për të marrë CIE janë:

1. Prenotazione (rezervimi): Në shumë Comuni mund të rezervosh një takim online përmes faqes zyrtare.
2. Documenti richiesti: Duhet të paraqesësh dokumentin e vjetër të identitetit, codice fiscale dhe një fototessera të fundit.
3. Pagesa: Karta ka një kosto që ndryshon sipas Comune, zakonisht rreth 20 euro për lëshim ose rinovim.

Pasi të përfundosh procedurën, do ta marrësh CIE në shtëpi brenda rreth 6–10 ditësh pune, bashkë me kodet PIN dhe PUK për aktivizim ose do ta marrësh në Comune di residenza, ku duhet të shkosh për ta tërhequr.

Kur përdoret CIE

CIE është e dobishme në shumë situata, nga identifikimi personal deri te përdorimi i shërbimeve online të Pubblica Amministrazione.

1. Identifikim personal: CIE funksionon si karta e zakonshme e identitetit për të provuar identitetin tënd.
2. Akses në shërbime online: Me Carta d’Identità Elettronica (CIE), përmes portalit CIE ID, mund të hysh në shumë shërbime digjitale të Pubblica Amministrazione (administratës publike). Për shembull: mund të hysh në portalin e INPS për të kërkuar ndihma si papunësi, maternitet apo sëmundje, ose për të kontrolluar kontributet. Mund të përdorësh faqen e Agenzia delle Entrate për deklarimin e të ardhurave, kërkesë për codice fiscale dhe menaxhimin e taksave. Gjithashtu, përmes portalit të Ministero dell’Interno mund të aplikosh për shtetësi italiane dhe të kontrollosh statusin e kërkesës. Gjithashtu, në faqe të tjera mund, të shikosh dokumente, të bësh aplikime dhe të menaxhosh praktikat e tua personale.