Permesso di soggiorno per lavoro subordinato (leje qëndrimi për punësim)

Nëse ke një leje qëndrimi për arsye pune, është e rëndësishme të dish kohëzgjatjen, si mund ta rinovosh dhe çfarë kostoje ka. Në këtë artikull do të gjesh të gjitha informacionet që të nevojiten.

Permesso di soggiorno per motivi di lavoro subordinato (leje qëndrimi për arsye pune) i jepet qytetarit të huaj që angazhohet në mardhënie pune me një punëdhënës.

Kohëzgjatja e lejes

Kohëzgjatja e permesso di soggiorno per motivi di lavoro subordinato varet nga lloji i kontratës punës:

Lavoro subordinato a tempo determinato (punë me kontratë të përcaktuar): 1 vit
Lavoro subordinato a tempo indeterminato (punë me kontratë të përhershme): 2/3 vjet
Lavoro stagionale (punë me kontratë sezonale): 9 muaj

Permesso di soggiorno per motivi di lavoro ndryshon kohëzgjatjen në bazë të kontratës së punës. Zakonisht, kohëzgjatja e lejes së qëndrimit përputhet me kohëzgjatjen e kontratës punës e paraqitur.

Si të RINOVOI permesso di soggiorno per lavoro subordinato?

Rinovimi i lejes së qëndrimit për punë mund të kërkohet në Questura nëpërmjet postës së autorizuar, duke plotësuar formularët përkatës (kit postar), 60 ditë para skadimit të lejes së qëndrimit.

Mos harro të bashkangjisësh disa dokumente brenda zarfit pasi të plotësosh formularët 1 dhe 2. Në veçanti:

Fotokopjen e permesso di soggiorno që po skadon;
Fotokopjen e pashaportës;
Fotokopjen e kartës identitetit;
Fotokopjen e modelit Unilav;
Fotokopjen e CUD-it tënd të fundit ose Dichiarazione dei redditi (deklarata e të ardhurave);
Fotokopjen e busta paga (listpagesës) së fundit.

KUJDES

Duhet të fusësh në zarfin e dokumentave vetëm fotokopjet e tyre, mos dërgo kurre dokumentin orogjinal! Origjinalet duhet t’i marësh me vete ditën e takimit në Questura.

Sa duhet të paguaj?

Nëse përdor kit postale (zarfin e postës), do të duhet të paguash:

30,00 €: zarfi dhe dërgesa me postë zyrtare
16,00 €: kostoja e pulles
Një pagese tjetër që mund të jetë:

a) 70,46 €: permesso di soggiorno për një kohëzgjatje prej 3 muaj – 1 vit

b) 80,46 €: permesso di soggiorno për një kohëzgjatje prej 1 viti – 2 vite

KUJDES : nëse ke humbur dokumentin ose duhet ta përditësosh atë (pra jo ta rinovosh), duhet të paguash vetëm 30,46 €.

Link të dobishëm

Visto e Permessi di Soggiorno

Shko te linku

Mund të interesojë

Permesso di soggiorno (leje qëndrimi)
Hap artikullin
Sa duhet të paguaj për të marrë ose rinovuar permesso di soggiorno (lejen e qëndrimit)?
Hap artikullin