Mjetet e transportit

Autobus (Autobuz)

Autobus (autobuzi) është një mjet transporti publik në pothuajse të gjitha qytetet. Njerëzit e përdorin atë për të shkuar në shkollë, në punë ose për të shkuar në dyqane. Nëse vendos të marrësh autobuzin, më poshtë janë gjërat që duhet të dish:

• Numri i autobuzit

Çdo autobuz ndjek një rrugë specifike dhe ka një numër që mund ta lexosh tek vetë autobuzi. Për të gjetur numrin e autobuzit që të nevojitet, mund të kontrollosh në internet WebFaqen e shërbimit të autobusëve në qytetin ku jeton ose kërko nga njerëzit që punojnë në stacionin e autobusëve. Specifiko ku ke nevojë të shkosh (destinacioni) dhe ata do të tregojnë numrin e duhur.

• Fermata (stacion autobusi)

Çdo autobus ka fermate (ndalesa) të ndryshme fikse. Mund ti njohësh ndalesat në rrugë nga një shtyllë me një shenjë që tregon emrin e ndalimit dhe, ndonjëherë, një kulm dhe një stol për njerëzit që presin për autobuzin. Mund të hypësh ose të zbresësh nga autobuzi vetëm në ndalesa fikse. Nëse e humb aksidentalisht ndalesën tënde, duhet të presësh për ndalesën e ardhshëm.

• Orario (orari i autobuzit)

Çdo autobuz ka një orario (orar) që tregon kohën e mbërritjes në çdo ndalesë. Mund të gjesh orarin mbi shenjat në ndalesa ose në faqen e internetit të shërbimit të autobusëve. Ndonjëherë autobusi mund të mbërrijë vonë. Në këtë rast duhet vetëm të presësh. Nëse autobuzi është shumë vonë dhe ti rrezikon të jesh vonë, shiko për një mënyrë tjetër për të arritur destinacionin tënd.

• Biglietto (bileta)

Për të marrë autobusin të duhet një biglietto (biletë). Mund ta blesh biletën në disa Tabaccheria, në sportelet e stacioneve të mëdha të autobusëve, ose duke dërguar një SMS me telefonin tënd celular (kërko në internet për mënyrën për të blerë një biletë me një SMS në qytetin ku jeton). Kur të hypësh në autobuz duhet të convalidare ose timbrosësh biletën në një makineri të vogel që zakonisht gjëndet pranë shoferit. Nëse nuk e kupton se si funksionon, shiko se si njerëzit e tjerë vulosin biletat e tyre ose pyet dikë që të ndihmojë. Për të kërkuar ndihmë, thuaj “Scusi, può aiutarmi a timbrare il biglietto?” (më falni, a mund të më ndihmoni të fulos biletën time?).

• Controllore (kontrollori i biletave)

Gjithmonë sigurohu që të kesh biletën dhe ta vulosësh atë. Në autobus ose sapo të zbresësh, mund të ndalesh nga një controllore (inspektor i biletave). Controllore është personi i ngarkuar për t’u siguruar që të gjithë njerëzit në autobus të kenë biletën e tyre të vlefshme. Nëse të gjen pa biletë ose me biletë të pavulosur do të gjobisë dhe do të duhet ta paguani gjobën.

• Zbrit nga autobusi

Kur je në autobus dhe dëgjon ose lexoni emrin e stacionit tënd, shtyp cilindo nga butonat në shtyllat që sheh. Kështu njofton shoferin që dëshiron të zbresësh në stacionin e ardhshëm.

Pullman (autobuz)

Pullman janë autobusë që udhëtojnë në distanca të gjata, kryesisht nga një qytet në tjetrin. Duhet të dish orën e saktë të nisjes së autobusit dhe të paraqitesh në stacionin e autobusit 5/10 minuta më parë, për t’u siguruar që të mos e humbasësh. Kjo për shkak se një autobus pullman nuk niset aq shpesh sa një autobus i zakonshëm. Për të udhëtuar me autobus pullman të duhet një biletë, të cilën mund ta gjesh në tabaccherie ose në stacionet e autobuzëve. Ndonjëherë është gjithashtu e mundur ta blesh atë drejtpërdrejt në pullman. Mos harro ta vulosësh atë sapo të hypësh.

Tramvaj

Tramvaji është një mjet i shpejtë transporti dhe zakonisht mbërrin gjithmonë në kohë, sepse lëviz në shina. Tramvaj do të gjesh në shumë qytete italiane. Ndalesat e tramvajit njihen sepse ato janë në anët e shinave, kanë një shenjë dhe, ndonjëherë, një platformë nën të cilën mund të ulesh. Për të përdorur tramvajin të duhet një biletë, të cilën mund ta blesh në makineritë në stacionet e tramvajit ose në tabaccherie.

Metropolitana (Metroja)

Metron e gjesh në disa qytete të mëdha italiane, duke përfshirë Romën, Milanon, Torinon dhe Napolin. Trenat e metrosë lëvizin nën tokë. Ata janë shumë të shpejtë, zakonisht në kohë, dhe ndalojnë në shumë stacione. Prandaj, stacionet janë nëntokë dhe zakonisht janë të shënuara me shenja të kuqe me shkronjën “M” (metro). Duhet të kesh një biletë dhe për metro, të cilën mund ta blesh në sportelet ose makineritë në të gjitha stacionet.

Treni

Treni është një mënyrë e dobishme për të udhëtuar në distanca të mesme dhe të gjata. Në Itali ekzistojnë trena regionali (rajonal) dhe interregionali (ndërragional) dhe me shpejtësi të lartë. Trenat rajonalë dhe ndërrajonalë janë më të ngadaltë se trenat me shpejtësi të lartë, por janë më pak të shtrenjtë. Treni të çon në stacionin e trenit të qytetit ku je nisur. Në qytetet më të mëdha, ka shumë stacione të ndryshme, prandaj sigurohu që të zbresësh në stacionin e duhur. Gjithashtu sigurohu që të dish orën e saktë të nisjes, të cilën mund ta gjesh në WebFaqenaqen e Trenitalia ose në tabelat e ekranit brenda stacioneve. Treni zakonisht niset në kohë, prandaj shko në stacion të paktën 10 minuta më herët. Për të udhëtuar me çdo tren të duhet një biletë, të cilën mund ta blesh online, në sportelet apo në makineritë në stacione të ndryshme.

Taksi

Taksitë në Itali janë shumë të shtrenjta në krahasim me mjetet e tjera të transportit publik. Kostoja e udhëtimit varet nga distanca që udhëtoni. Mund të gjesh taksi jashtë stacioneve të trenit, hoteleve dhe stacioneve të taksive. Gjithashtu mund të telefonosh një kompani taksi në qytetin ku ndodhesh dhe të rezervosh një taksi.

Abbonamenti (aboneja)

Abbonamenti (aboneja) mund të duken të shtrenjta, por nëse përdor shpesh transportin publik, ato do të kursejnë shumë para. Për shembull, nëse përdor autobusin çdo ditë, mund të blesh një abone të autobusit që do të lejojë të hypësh sa më shumë autobusë që dëshiron për një çmim fiks. Mund të blesh abone dhe për autobusë, për metro dhe për trena. Janë të vlefshme për një muaj, disa muaj ose një vit. Mund t’i blesh në sportelet në stacione ose në internet.

Këtu janë llojet më të zakonshme të transportit privat në Itali:

Monopattino 

Një nga mjetet që po bëhet gjithnjë e më e zakonshme është monopattino elektrike. Është i vogël dhe i lirë në krahasim me mjetet e tjera të transportit dhe të lejon të lëvizësh lehtësisht në distanca të mesme dhe të shkurtra.

ÇMIMI: çmimi varion shumë sipas cilësisë, por minimumi që mund të shpenzosh për të blerë një monopattino të re elektrike është rreth 150 euro. Mund ta blesh në internet ose në dyqanet e elektronikës ose sportive.

Biçikleta

Biçikleta është një mënyrë e përshtatshme për tu spostuar në distanca të shkurtra. Nëse jeton në një qytet të vogël ose punon afër shtëpisë, mund të jetë mjeti i duhur për ty.

Mund të blesh një biçikletë të re ose të përdorur në dyqane të mëdha sportive, dyqane biçikletash ose në internet. Një biçikletë e përdorur kushton më pak, por sigurohu që të jetë në gjendje të mirë.

ÇMIMI: Çmimi i një biçiklete të re mund të ndryshojë shumë. Mund të blesh një model bazë rreth 100/200 euro. Në vend të kësaj, mund të blesh një biçikletë të përdorur për rreth 60/100 euro.

E RËNDËSISHME: Për shkak të mungesës së rrugës së duhura për biçikleta në shumë qytete, çiklizmi mund të jetë i rrezikshëm. Për sigurinë tënde, përpiqu të përdorësh rrugën e biçikletave kur janë të disponueshme dhe nëse ato nuk janë të disponueshme, kujdes makinat dhe motoçikletat përreth.

Mos harro biçikletat vidhen shumë shpesh. Sigurohu që të kesh një ose më shumë zinxhirë me të cilat të lidhësh biçikletën tënde kur e parkon.

Motoçikletë ose motor

Motoçikletat e vogla dhe motorat janë mjete shumë të zakonshme në Itali, të mira për të udhëtuar në distanca të shkurtra ose të mesme.

Mund të blesh një motoçikletë ose një motor në dyqanet e motoçikletave, në internet (të dorës së dytë) ose në dyqanet që i riparojnë ato. Sigurohu që automjeti të jetë në gjendje të mirë.

ÇMIMI: Mund të blesh një motoçikletë të re duke filluar nga 1.500 euro. Në vend të kësaj mund të gjesh një motoçikletë të përdorur edhe për 700/800 euro.
Mund të blesh një motor të ri rreth 6.000 euro, por disa mund të kushtojnë dhe deri në 15.000 / 20.000 euro.
Një motor i përdorur mund të kushtojë rreth 3.000 euro.

Makinë 50cc

Makina 50cc (ose miniveturë) është një makinë më e vogël dhe më pak e fuqishme se një makinë normale. Për shkak se ecën ngadalë, është e dobishme për ata që udhëtojnë në distanca të shkurtra dhe është më pak e përshtatshme për udhëtime të gjata. Krahasuar me motoçikletën, të lejon të udhëtosh i mbuluar, pra pa u lagur në rast se bie shi, dhe të mundëson të mbash objekte me vete.

Makinën 50cc mund ta blesh në dyqanet që shesin makina dhe motoçikleta ose kërko në internet për të përdorura. Nëse zgjidh një të përdorur, sigurohu që të jetë në gjendje të mirë përpara se të bësh pagesën.

ÇMIMI: Mund të blihet një makinë e re 50cc për rreth 10.000 euro. Ndërsa një makinë 50cc e përdorur mund të kushtojë rreth 5.000 euro.

Makinë

Makinat janë të dobishme sepse të mundësojnë të udhëtosh çdo distancë në mënyrë të sigurt. Ato janë mënyra më e mirë për të transportuar pasagjerë dhe gjëra. Nëse jeton në një qytet të madh, mund të kesh vështirësi në gjetjen e një vendi parkimi dhe trafik të rënduar.

Shumë dyqane makinash shesin makina të reja dhe të përdorura. Ka edhe shumë makina të përdorura në internet. Nëse dëshiron të blesh një makinë të përdorur, sigurohu që ajo të jetë në gjendje të mirë, ndoshta me ndihmën e një mekaniku.

ÇMIMI: Një makinë e re e lirë mund të kushtojë rreth 10.000 euro.
Mund te gjesh makina te përdorura në gjendje te mire duke filluar nga 5.000 euro.

Sigurime dhe shpenzime të tjera

Është e rëndësishme të kihet parasysh se për automjetet ka pak kosto shtesë. Për makinat, skuterët dhe motoçikletat është i detyrueshëm aktivizimi i një sigurimi vjetor që mbulon shpenzimet në rast aksidenti. Kostoja e sigurimit varet nga automjeti dhe klasa e meritave të shoferit, por ju mund të paguani rreth 100 euro për skuterin, deri në një mesatare prej 500/700 euro për makinën.

Përveç kësaj, është e detyrueshme të paguhet bollo çdo vit. Bollo është një taksë e vendosur nga rajoni për të përdorur automjetin tuaj në tokë publike.

Për më tepër, çdo 2 vjet, për secilën nga këto automjete, duhet të bëni revisione. Revisione është një kontroll i mjetit për të vërtetuar gjendjen e mirë të tij. Kostoja e tij është rreth 70 euro.

Përveç kësaj, është e rëndësishme të dini se kostoja e benzinës në Itali është përgjithësisht më shumë se 1 euro për litër.

Kjo mënyrë alternative e udhëtimit është e disponueshme dhe përdoret gjerësisht në qytetet e mëdha. Përbëhet nga biçikleta apo makina të kompanive private apo publike që mund t’i përdorin të gjithë për një shumë të vogël parash. Biçikleta ose makina mund të gjenden në vende të ndryshme të qytetit. Duke shkarkuar aplikacionin e bike / car sharing në qytetit ku jeton apo ndodhesh, mund të gje biçikletën ose makinën më afër teje dhe ta përdorësh. Kur arrin në destinacion, mund ta parkosh ku të dëshirosh, mjafton të jetë parkim i ligjshëm.

Për të gjetur bike / car sharing të disponueshme në qytetin ku jeton, mund të kërkosh në internet: car sharing + emrin e qytetit tuaj (për shembull: Car sharing Milano).

Gjithashtu dhe kjo mënyrë alternative e udhëtimit përdoret gjerësisht. Në këtë rast, një person që udhëton me makinën e tij, zakonisht nga qyteti në qytet, vë në dispozicion vendet e zbrazëta për njerëzit që duhet të bëjnë të njëjtin udhëtim. Për shembull: Unë kam një makinë dhe duhet të shkoj nga Firenze në Milano. Meqenëse udhëtoj vetëm dhe kam 4 vende të lira në makinën time, vë në dispozicion vende e lira për këdo që duhet të bëjë të njëjtin udhëtim timim. Kjo do të lejojë të ndaj shpenzimet e udhëtimit dhe për këtë arsye të shpenzoj më pak para.

Ka platforma në internet që lidhin njerëzit që udhëtojnë drejt të njëjtit destinacion. Një shumë e njohur është BlaBlaCar. Mund të regjistrohesh në platformë dhe të gjesh njerëz me të cilët mund të ndash një udhëtim. Kjo metodë është shpesh shumë e lirë në krahasim me trenin, por mos harro se do të udhëtosh me njerëz që nuk i njih dhe nuk i ke parë kurrë më parë.